Суштината на воспоставување на систем за спиритуално образование е да им се даде можност на луѓето да разберат дека има огромна разлика во “помодарски спиритуализам“ и постанување на спиритуална личност по правилен и светол спиритуален пат. Затоа и во книгата/прирачник ќе сретнете многу длабоки и сеопфатни објаснувања за најчесто, лаички и површно користената спиритуална терминологија со која во денешно време се разфрлаат сите кои ги следат помодарските спиритуални забавни пополнувања на своето слободно време. И мислам дека ваква книга мораше да се случи бидејќи македонските “реикисти“ отидоа предалеку во слободата и непреземање никаква одговорност при делењето на сертификати како пржени крофни на панаѓур. Затоа целата Школа, прирачников, блоговите, идните мои книги и предавања ќе бидат насочени кон спиритуално образование и применета спиритуалност која толку многу им треба на луѓето на нашиве територии. Ние сме држава во која спиритуализамот не е табу, но не се среќни кога за тоа се зборува. И поради прикриената одбивност, многу ретко кој има можност или пак средства да се едуцира во оваа многу потребна област од животот на секој човек. Спиритуализамот е над секоја религија, но не е повисоко од Елохим, од Бога, од Креаторите наши.

Спиритуализам е кога човек сам, практично и применето ќе си види за себе дали има нешто повеќе, нешто поголемо од него/нејзе или нема. Спиритуализам е кога секој човек си мисли со своја глава, сам за себе и дозволува и секој друг да си има свои сопствени спознанија и да си мисли со своја глава. Религија е кога некој друг ти кажува што да мислиш и во што да веруваш и нема простор за преиспитување. Затоа и основната разлика помеѓу спиритуализам и религија е слободата на сопствено мистично искуство и вистината која сам си ја доживеал.