Soul Talk Reiki Ryoho
Во рамките на Школата ви нудиме спиритуално образование во мојата, оригинално осмислена спиритуално-енергетска метода и техника на исцеление,
Soul Talk Reiki Ryoho - the Art of Listening.
Soul Talk Reiki Ryoho како техника се изучува систематски и линеарно. Значи во едно ниво неможе да се прескокнат модули или да се изучуваат само определени модули и да се добие диплома за практикант. Дипломи за завршени нивоа добиваат само оние ученици кои ќе присуствуваат лично на часовите и ќе знаат на крајот од нивното школување како навистина да се исцелат себеси и другите. Изучувањето на техникава се одвива во групи составени од ученици кои се одбираат и групираат според нивната слична, моментална спиритуална потреба и точка на спиритуален раст и развој. Секое ниво има одреден број на модули кои се изучуваат преку интензивни викенд-средби, еднаш во месецот, во период од неколку месеци. Секое ниво има датум за почеток, но не и датум на завршеток на образованието бидејќи зависи од способноста на секој ученик.
Групите не се поголеми од пет ученика. Секој еден иден ученик мора да биде претходно запознаен со мене, неговиот иден Учител и мора да почувствувал што е Soul Talk Reiki Ryoho преку лични третмани за себе. Пред конечно запишување во школата идниот ученик има лично интервју на кое е запознаен со подробностите на програмата и моралните и етичките кодекси на самат школа.
Soul Talk Reiki Ryoho за своја основа го има учењето на Jikiden Reiki. Jikiden на јапонски јазик значи оригинален, чист, при што ни кажува дека Jikiden Reiki е оригиналниот јапонски начин на практикување на Usui Reiki Ryoho без никакви надворешни американизирани или западно-европски примеси. Но, Реики-енергијата во Soul Talk Reiki Ryoho техниката е само примарна енергија. Понатаму, самиот процес на исцелување го надополнуваме со: повикување и манипулирање на Светлината и Боите на Светлината; комуникација и заедничка работа на Ангелите Чувари на практикантот и клиентот.
Сево ова знаење ќе биде посебно објаснето и систематизирано во соодветни упатства/учебници коишто идниот ученик и практикант ќе ги добие во печатен формат и ќе мора да ги проучи, разбере и да знае како да ги аплицира за да се постигне максимална помош и исцеление на себеси или на некој друг.
Начин на изучување на Soul Talk Reiki Ryoho:
Soul Talk Reiki Ryoho ниво I
Ниво на Основите
Ова е првото или основно ниво.
Досега се изучува преку седум модули, во кои се сместени знаења за единаесет различни предмети и соодветни медитативни пракси, во период од десет до дванаесет месеци, еден интензивен викенд, еднаш месечно.
За разлика од општата пракса на било кое образование, во оваа школа, во основното ниво ќе се изучуваат основите на техниката и на она коешто планирате да го практикувате прво на себеси, па потоа и на другите. Основното ниво треба да ви ги даде сите потребни знаења за да знаете и разберете што е Реики-енергија и што точно вие канализирате, од каде сево ова потекнува, која е целта на целата практиката и како прво да се исцелувате себеси, па потоа сите други.
Со ова ниво I, според принципите на практикување на Soul Talk Reiki Ryoho, ученикот ќе биде оспособен самиот себеси да се исцелува, но не и други. И не се дозволува под никакви околности со прво ниво, ученикот да вежба исцеление на најблиските, фамилијата, пријателите. Во првото ниво, ученикот не е способен ниту да ја спознае, ниту да ја преземе одговорноста која ја носи неговата одлука за мешање во судбината на клиентот.
Soul Talk Reiki Ryoho – ниво II
Ниво на Внатрешно Слушање
Ако Ученикот сака да продолжи да ја проучува и изучува оваа техника и знаењата коишто се нудат со неа и ако се покаже како достоен и доволно понизен, но со интегритет подготвен да им помага на другите, тогаш преку соодветно интервју се утврдува дали ученикот е подготвен за понатамошно образование и практична спиритуална работа.
На ова ниво свесност за постоењето на сето она коешто ученикот го осознал во ниво I, сега се продлабочува на уште подлабоко и посериозно ниво на разбирање и работа со енергиите и користење на сето она коешто постои во Универзумов.
Soul Talk Reiki Ryoho – ниво III
Алхемиско ниво на постанување
Доколку Главниот Учител забележи дека некој од Учениците посебно се истакнува во нивото на своето разбирање на она коешто се предава и има желба и жед за уште поголемо знаење и при тоа начинот на којшто го живее својот живот припаѓа на Светлината, тогаш може да го повика на интервју за ниво III од Soul Talk Reiki Ryoho-техниката.
Во својата основа, ниво III е исто како што било во времето на Усуи Сенсеј, целосно специјализирана и индивидуална работа со самиот ученик којашто се води индивидуално и лично. Овде, Главниот Учител, јас, го обучувам ученикот како да постигне комплетна себереализација и да почне да ја остварува мисијата поради којашто е дојден/а на оваа Земја.